von Christa Berlandi

Do simma in die Medde gang,
um zwöllef hott se angefang,
die Diescher um, die Hänn im Muff
un dabber froh de Berisch nuff.

Sin gang dä alde Wiesewääch,
vorbei an Wald unn Wildgehääsch,
hott sicher iewer Land gefort,
vun Kält hott niemand viel gesport.

Uff ämo zwische Dannegrien,
die Lieschder vun dem Dom se siehn,
de Hunsrickdom, so wie ma seet,
wo stolz dä Fels die Kerisch dreet.

So kame mer ous kalder Naacht,
in Kerzeschäin in Wäihnachtspracht,
ous alle Derfer rundherum
war ald unn jung sesamme kumm.

Dat erschde wat mer uffgefall,
die Kripp im selbschdgeboude Stall
dodrum die Häiser klään un schmal,
genau wie drunne die im Dal.

Mer daacht, dat Kind wat ouserkor,
wär hout in Räverschbursch gebor.
En Chor se singe aangefang,
däm Jesuskind en Lobgesang,

un alle Läit hon mitgesung,
hott rischdisch fäierlisch geklung.
Bis dä Pastor dann vorgeläs,
wat do in Bethlehem gewäs,

wie die Geschiescht sisch abgespielt,
die haut in aller Welt verziehlt.
Am Schluß gebääd, daß uuser Erd,
dä wahre Friere wird beschert.

Mer ware in die Medde gang,
äisch denke immer gäre draan.
Wer mischt sisch diesjohr nomme uff
Un geht mit uus de Berisch nuff.

Foto: © Werner Dupuis